Salthang Tripura loksabha constituency ni bagui tini returning officer eba salthang Tripura hangkhor naikolphang Dr Bishal kumar ni thani nomination bwlai yapharkha india alliance ni bachanai Asish kumar saha.aboni swkang rajakhor ni Rabindra bhavan ni bwskang ni simi kaisa himbotok amchai ni juda juda lama himlai hangkhor naikolphang ni tangnokni bwskango phai paikha.phaimanjakha congress ni haktor ni berem ni khukphang Supriya shrine,haktor berem ni congress kasukjwk Jarita Laitflang,CPIM haste tangphang Jitendra Choudhury,ramnagar vidhansabha ni chongphirmung ni CPIM bachanai Ratan Das,congress MLA Sudip roy barman,Gopal roy,cpim ojama Manik Dey no khobui tai kubunrog.congress ni haktor berem ni khukphang Supriya shrine sakha tabokni BJP haphang ni amal o haktor ni bwrwi,hukbar,bekar,swrwngnai sikla rogni logi je chaya wngkha,abo tongkosong lukurog vote box o borogno phirokmung rwnai.
