Kokborok kokgo roman script ni sanmwngo phungni simi Sarkit house ni bwskango kuthumlaikha TSF ni ojama sebuk rok.oh salo sanmwngni khafurmao choba thaio thangkha Tipra motha ni kwcham supremo bubagra Pradyot Kishore Debbarma.oh salo bo lahar kasunai rokni logi kok sakha.ul jorao Bubagra Pradyot Kishore Debbarma sakha,kwbangma sal romwi Tipra motha ni swrwngnai motha roman script ni sanmwng sanwi phai tongu.phiyaba kwcham haphang ni simi chengwi tabuk ni haphang ni amal o bo oh sanmwng nu rwjakya.Tiprasa rokni kok,hamkrai ni sanmwng supungnani kok phaikheno Congress,Left Front tei BJP haphang ni talbahana chengui thango.
