Mungwnang Assamese rwchapkwrwng eba Legendary singer Zubeen Garg tei kwrwikha naithok swngchar no yakarwi thangkha.Singapore o kaisa scuba diving patimwngo bini langma chokha.
Koktwma o sai mankha,Singapore police ni tisanai sebukrok bono twisa ni simi tisai domani bisingtwi ganani saknai nogo twlangwi thangkha.
Saknai nairok ICU o paithak chaitukmwng khwlai bo paithak jora bono mwthangwi manliya.
Zubeen Garg Singapore o songchajakma Northeast Festival o manjakna thangmani tei tini no bini stage o kasanani kok tongmani.phiyaba bini swkangno swngchar no yakarwi thangmabai fans rok belaikhe kha khamlaijak eba wanalai kwlaikha.
bini atomsa langma chomabai Northeast Bharat gunangwi tei haktor gunangwi kha khamani boyar sipsakha.
